झापा, १४ बैशाख । नेपालका ५२ औं संक्रमित पनि भारतको नयाँ दिल्लीको जमातीबाट फर्केको खुलासा भएको छ ।झापाको बारादशी वडा नम्बर ४ निवासी ५० बर्षीय मुसलमान समुदायका अगुवा व्यक्ति भएको बताइएको छ । नेपालमा लकडाउन हुनु केही दिन अघि झापा

फकिएका यिनी अहिले झापाको बारादशी नजिकको अस्पतालको सम्पर्कमा पुगेको बताइएको छ ।

संक्रमणको जोखिमलाई मध्यनजर गर्दै बैशाख ३० सम्म सीमा नाकामा आवागमन रोक्ने सरकारको निर्णय
काठमाडौं, १४ बैशाख । कोरोना संक्रमणको उच्च जोखिमलाई मध्यनजर गर्दै सरकारले अन्र्राष्ट्रिय सीमा नाकामा बैशाख ३० गतेसम्मका लागि आवागमन राक्ने निर्णय गरेको छ ।

आइतबार बसेको मन्त्रिपरिषदको बैठकले कोरोना संक्रमणको जोखिमलाई मध्यनजर गर्दै बैशाख ३० गतेसम्मका लागि सीमानाकामा आवागमन रोक्ने निर्णय गरेको हो ।

सरकारले गत चैत १० गतेबाट सीमानाकामा आवागमन रोकेको थियो । आज बसेको मन्त्रिपरिषदको बैठकले जारी लकडाउनलाई २५ गतेसम्मका लागि लम्ब्याउने निर्णय पनि गरेको छ ।

हालसम्म नेपालमा कोरोना संक्रमितको संख्या ५२ पुगेको छ, जसमध्ये १६ सजना निको भइसकेका छन् ।

यो खबर पढेर तपाईलाई कस्तो महसुस भयो ?


Your Views
Related News