चितवन,चैत २३ गते । रत्ननगर १४  जयमंगलाका  कृषक वेदप्रसाद भट्टराई केराको व्यवसायिक  खेती  गर्ने  चितवन का दश कृषक मध्येमा गनिनुहुन्छ जागीरे जीवनबाट  विश्रा म लिएर आफ्नै व्यवसायिक  यात्रामा  निस्कनु भएको उहाँ १२ बर्षमा सफल व्यवसायिक कृषक  बन्नुभयो । पूरा पढ्नु होला !

व्यवस्थापनमा स्नातक गर्नु भएका भट्टराईले पूर्वी नवलपरा सीको गैंडाकोटमा रहेको नमूना आवासीय  माविमा शिक्षण पेशा शुरु गर्नुभयो ।  त्यसपछि  अक्सफोड  कलेज,  रोयल सेन्चुरी होटलको एकाउण्टेन हुँदै  नर्थ  प्वाइन्ट  एकेडेमीमा शिक्षण एवम् व्यवस्थापन सम्हाल्दै  जागिरमा  राम्रै अनुभव सङ्गाल्नुभयो ।

जागीर  राम्रै  थियो  ।  जागिरकै क्र’ममा आफ्नो एक विघा जमिनमा केरा खेती पनि शुरु गर्नुभयो । त्यही साइड  पेशा यतिखेर  उहाँको  प्र’मुख  आम्दानीको  माध्यम बनेको छ । आफ्नो बारेमा उहाँले भन्नुभयो, “हामीले नै स्थापना गरेको बोडिङ्मा म राम्रै भूमिकामा थिए, सहायक  प्रा’चार्य  र  व्यव स्थापकीय भूमिकामा पनि थिएँ ।

सामान्यतया जागिर र कमाइ पनि राम्रै थियोतर पनि मलाई चित्त बुझेन केही गर्नुपर्छ भन्ने लाग्यो त्यसमा पनि नेपालमा कृषिभन्दा अन्य  पेशा  सहज  छैन  भन्ने  हेतुले  यही  पेशा सम्हालेँ यतिवेला म सन्तुष्ट छु शुरुआतको वर्ष राम्रै  आम्दा नी  हात  लागेपछि  उहाँलाई  जागिरले  भन्दा   कृषिकर्मले आकर्षित ग-यो । उहाँ  भन्नुहुन्छ, “आफुले  लगाएको  केरा खेती र पहिलो  पल्टकै  आम्दानीले  मलार्ई  छुट्टै  प्रकारको आनन्द  प्राप्त  भयो । त्यसैले  पनि मैले यो पेशालाई चाहेर नचाहेर पनि छोड्न सकिनँ ।”

चितवनका दश सफल केरा उत्पादक  व्यवसायीमध्ये  उहाँ को नाम पनि आउने गरेको छ यतिवेला आफ्नो र  भाडामा लिएको जमिन गरी  उहाँले २२ बिघा जमिनमा  केरा  खेती गर्नुभएको छ ।  जागिर  छोडेर  केरा  खेतीतर्फ  लाग्दा  धेरै साथीहरुले कसैले के भन्ने कसैले के भन्ने  गरेर हतोत्साहित पारेको र केही समय त दोधारमा परेको  सुनाउँदै  केराबारी तर्फ देखाउँदै उहाँले भन्नुभयो, “दृढ इच्छाशक्ति र  लगातार को कडा मेहनतको फल हो यो ।”

कृषि पेशा र जागीर भनेको फरक फरक  विषय  रहेछ उहाँ ले  त्यतिवेला  आफुलाई  जागिर छोडेर राम्रो गरिनस भनेर भन्नेहरु अहिले मेरो  सफलता  देखेर  केटोले  ठीकै  निर्णय गरेको  रहेछ  भन्ने  गरेको  प्रसङ्ग सुनाउनुहुन्छ उहाँ । हुन त जहाँ पनि लगनशील नभइ सफलता हात लाग्दैन  तर  पनि कृषिकर्म प्राकृतिक विपत्तिले क्षति  हुने  र  बन्द  हड्तालले बिक्रीमा असर पार्ने व्यवसाय भएकाले पनि अरुभन्दा बढी संवेदनशील हुने उहाँको अनुभव छ ।

त्यसैले कृषिकर्ममा लाग्नेहरुलाई उहाँले  अनुरोध  गर्नुभयो, ‘राम्रो  उत्पादन  भयो,  ब्यापार  राम्रो  भयो भनेर मात्तिने र उत्पादन राम्रो भएन, भएको उत्पादन पनि बिक्री गर्न  सकि एन भनेर आत्तिने प्रवृत्ति सबैभन्दा घातक छ । त्यस्तो भयो भने यो व्यवसायलाई टिकाइराख्न सकिंदैन !घाटालाई पूर्ति गर्ने कुनै उपाय रहँदैन् ।’

प्रधानमन्त्री कृषि आधुनिकीकरण परियोजना  र कृषि ज्ञान केन्द्रबाट प्राविधिक सहयोग, एक गाउँ एक उत्पादन जस्ता कार्यक्रमले  चितवनको  केरा  व्यवसायले  फड्को  मारेको उहाँको अनुभव छ । यतिवेला आफ्नो फार्म  नार्क  र  कृषि तथा  वनविज्ञान  विश्वविद्यालयको  अनुसन्धान  थलो जस्तै बनेको उहाँले बताउनुभयो  यसले आफूलाई सिक्ने अवसर मिलेको उहाँको भनाइ छ । पछिल्ला  दिनहरुमा  जमिनको खण्डीकरणको कारण यस ब्यवसायको  भविस्य  संकटमा पर्न थालेको बताउनुहुन्छ उहाँ ।

कृषि  ज्ञान  केन्द्र  चितवनका  प्रमुख  वरिष्ठ कृषि अधिकृत राजन ढकालका अनुसार  चितवन  जिल्लामा  तीन  हजार दुई सय हेक्टर अर्थात चार हजार आठ सय बिघा  क्षेत्रफल मा केरा खेती गरिएको छ । जिल्लाबाट बार्षिक प्रति हेक्टर २४ मेट्रिक टन केरा उत्पादन हुने गरेको छ चितवन जिल्ला मा सात सय जनाभन्दा  बढी  कृषकले  व्यावसायिक  केरा खेती गरेका छन्   चितवनको  केरा  काठमाण्डौं,  पोखराल गायत बाग्मती र गण्डकी  प्रदेशका  अधिकांश  शहरहरुमा पुग्ने  गरेको  छ । चितवनमा  केरा, धान, तरकारी, माछा र माहुरीको जोन छन् ।गोर्खा पत्र अन्लाईन

यो खबर पढेर तपाईलाई कस्तो महसुस भयो ?


Your Views
Related News