नेकपा एमालेका नेता रामबहादुर थापा  (बादल) की  पत्नी नैनकला थापा सञ्चार तथा प्रविधिमन्त्री बन्ने भएकी छन् । प्रधानमन्त्री केपी शर्मा ओलीले एमाले र राजपालाई समेटेर मन्त्रिपरिषद् विस्तार गर्ने तयारी  गरेका  छन्  । अपराह्न  ४ बजे मन्त्रीहरुको सपथ तय भएको छ ।भिडियो अन्तिममा

एमाले स्रोतका अनुसार  पूर्व माओवादी खोमाबाट दुईमन्त्री भएका छन्  । वादलपत्नी  नैनकला  थापालाई  सञ्चार  र ज्वालाकुमारी साहलाई कृषिमन्त्री बनाउन  लागिएको  एक नेताले बताए । स्रोतका अनुसार सर्वोच्च अदालतको  आदे शले  ६  जेठमा  पदमुक्त भएका पूर्व माओवादी खेमाका ७ मन्त्रीले पुनःनियुक्ति होस् भन्ने चाहेका थिए ।

तर अदालतको आदेशका कारण  सम्भव  नभएको  बताए पछि नैनकलाको नाम छलफलमा आएको थियो । ‘हामीले हाम्रो पुननियुक्ति हुँदैन भने म्याडमलाई मन्त्री बनाउनुपर्छ । हाम्रो  लिगेसी  रहन्छ भनेका थियौं,’ एक पूर्वमन्त्री भन्छन्, ‘म्याडमले म कहाँ मन्त्री बन्नु भन्नु भएको थियो ।

अहिले आएर उहाँलाई नै बनाउनुप¥यो ।कृषिमन्त्री नियुक्त भएकी साह भने माओवादी केन्द्रबाट एमाले प्रवेश गरेका कारण प्रदेश २ को प्रदेशसभा सदस्यबाट पदमुक्त भएकी थिइन् ।

यो पनि: कैलालीका नेकपा एमाले नेता नारदमुनि राना पनि मन्त्री बन्ने पक्का भएको छ । रानालाई प्रधानमन्त्री केपी शर्मा ओलीले वनमन्त्री प्रस्ताव गरेका थिए । रानाले पद स्वीकार गरेको बताए । वन मन्त्रालयको जिम्मेवारी दिइएको छ,’ रानाले भने, ‘साँझ ४ बजे सपथका लागि बोलाउनु भएको छ ।

रानाले प्रतिनिधसभाको गत चुनावमा  नेपाली  कांग्रेससका सभापति  शेरबहादुर देउवा पत्नी आरजु राणालाई कैलाली क्षेत्र नं. ५ बाट ४ हजार  ८८०  मतान्तरले  पराजित  गरेका थिए । चुनावकै बेला नेता रानालाई मन्त्री बनाउने भन्दै मत मागिएको थियो । तर, रानाले चुनाव जिते पनि मन्त्री बन्ने अवसर भने ३ वर्षपछि सांसदबाट पदमुक्त भएपछि मात्रै पाएका छन् ।

यो खबर पढेर तपाईलाई कस्तो महसुस भयो ?


Your Views
Related News