काठमाडौं, १५ असार । नेकपा एमालेका अध्यक्ष केपी शर्मा ओलीले पूर्वप्रधानमन्त्री माधवकुमार नेपाल  लाई अप्ठ्यारोमा पार्ने गरी नयाँ अस्त्र तयार गरेका छन् । अब उनले नेपालले भनेबमोजिम नै केही महत्वपूर्ण कदमहरु चाल्न लागेका छन् ।’

‘२ जेठ २०७५ को अवस्थामा एमाले कटिीलाई फर्काउनु पर्ने नेपालको सर्त रहेको छ । त्यसलाई सम्बोधन गर्न ओली लगभग तयार छन् । उनले त्यही उद्देश्यका साथ बैठक समेत डाकेका छन् । आज एमाले स्थायी कमिटी बैठक डाकिएको छ ।

‘यो कमिटीको टुंगो पनि लगाइने भएको छ । बुधबार महाधिवेशन आयोजक कमिटी डाकिए को छ भने बिहिबार केन्द्रीय कमिटी बैठक डाकिने तय भएको छ । नवौं महाधिवेशनबाट निर्वाचित केन्द्रीय कमिटी बैठक बोलाउन लागिएबाट एमालेको निर्वाचित कमिटी पुनः सक्रिय बनाइने तयारी ओलीले गरेका छन् ।’

‘ओलीले नवौं महाधिवेशनको कमिटी ब्युँताउन खोज्नुमा दुईवटा मुख्य कारण छन् । सर्वोच्च अदालतले पछिल्ला कमिटीले गरेका निर्णय मान्य नहुने अन्तरिम आदेश जारी गरेको छ । कर्णालीका एमाले सांसदहरुको पुर्नबहाली भएको छ ।’

‘यसबाट एमालेको हालको स्थायी कमिटी देखि महाधिवे शन आयोजक कमिटीको निर्णयको वैधतामाथि नै प्रश्न उठेको छ । नवौं महाधिवेशन को निर्वाचित कमिटी  को निर्णयले मात्र मान्यता पाउने अदालतको आशय देखिन्छ । त्यसकारण पनि ओलीका लागि २ जेठ २०७५ को अवस्था मा पार्टी कमिटीलाई ब्युँताउनुपर्ने वाध्यता छ ।

‘अर्कोतर्फ, माधव नेपाल खेमाको ठूलो पंक्ति सहमति निकाल्न सक्रिय छ । २ जेठ २०७५ को अवस्थामा एमाले फर्किएमा पदाधिकारीहरु फेरि रहन्छन् । त्यसले माधव नेपाल अप्ठ्यारोमा पर्न सक्छन् । उनलाई समूहभित्रैबाट एमाले एकता कायमै राख्न दबाब बढ्न सक्छ ।’

‘नेपाल समूहका सुरेन्द्र पाण्डे, घनश्याम भुसाल, गोकर्ण बिष्ट, योगेश भट्टराईलगायत नवौं महाधिवेशनको निर्वाचित कमिटी ब्युँतिएमा मिलेर जानुपर्ने पक्षमा छन् । ओलीले नेपाल समूहलाई अप्ठ्यारोमा पार्न पनि यो कदम चाल्न खोजेका छन् ।’

‘नेपालमाथि एकता पक्षधर नेताहरुले दबाब बढाइरहेका छन् । तर, उनी २ जेठ २०७५ को अवस्थामा फर्किएर मात्र ओलीसँग सम्झौता नगर्ने अडानमा छन् । नेपालले ओली को सत्ता बर्हिगमनलाई उद्देश्य नै बनाइसकेका छन् । तर, ओलीको पछिल्लो अस्त्रले नेपालमाथि चुनौती बढेको छ ।’

यो खबर पढेर तपाईलाई कस्तो महसुस भयो ?


Your Views
Related News