काठमाडौं, २९ असार । प्रधानमन्त्री केपी शर्मा ओलीले राजीनामा दिन लागेका छन् । उनले आज अपरान्ह २ बजे देशवासीका नाममा सम्बोधन गर्दै राजीनामा दिन लागेका हुन् ।सर्वोच्च अदालतले प्रतिनिधि सभा पुनःस्थापना गर्दै

बहुमतको दाबी प्रस्तुत गरेका नेपाली काँग्रेसका सभापति शेरबहादुर देउवालाई आज साँझ ५ बजेसम्म प्रधानमन्त्री बनाउन आदेश दिएपछि ओलीले राजीनामा दिन लागेका हुन् । आज भानुभक्त जयन्तीका दिन ओलीको राजीनामा आउन लागेको हो ।

ओलीले गत वर्ष भानु जयन्तीकै दिन राम जन्मभूमी चितवनको अयोध्यापुरीमा रहेको भन्दै भारतका अयोध्या राम जन्मभूमि नभएको भन्दै प्रश्न खडा गरेका थिए ।

यो पनि,,देउवालाई ७ चोटि प्रधानमन्त्रीको भविष्यवाणी गर्ने ज्योतिषको बूढानीलकण्ठमा खोजी

‘सोमबार सर्वोच्च अदालतले प्रतिनिधिसभा पुनःस्थापना सहित काँग्रेस सभापति शेरबहादुर देउवा प्रधानमन्त्रीमा नियुक्त गर्न परामादेश दियो । सर्वोच्चको फैसला    सँगै देउवानिवास बूढानीलकण्ठमा काँग्रेसका नेता–कार्यकर्ता हरु भेला हुन थालिसकेका थिए ।देउवा निवासमा नेता–कार्यकर्ताहरु पुष्पगुच्छा र फूलमालासहित आएका थिए ।’

‘सबैले देउवालाई बधाई दिए । बधाई थाप्न भ्याई नभ्याई भयो ।विशेषगरी सुदूरपश्चिमेली कार्यकर्ताहरु र देउवासँग निकट मानिने केन्द्रीय नेताहरुको उपस्थिति बाक्लिँदै गयो । देउवाले उनीहरुसँग आन्तरिक छलफल गरे ।यसै क्रममा काँग्रेस प्रवक्ता विश्वप्रकाश शर्माले देउवालाई ७ पटक प्रधानमन्त्री बन्ने योग रहेको बताउने ज्योतिषसँग भेट्न चाहेको बताए ।’

‘शर्माले भने, ‘सभापतिज्यू तपाईंको ज्योतिषसँग एकपटक मैले पनि भेट गर्नुपर्ने देखियो । मलाई भेट गराउनुपर्यो ।’शर्माले यति भनेपछि उप सभापति विमलेन्द्र निधि बोले, ‘भाइहरूको पालो मेरोपछि आउँछ, पहिले त मैले पो भेटिनुपर्ने भयो ।’

विमलेन्द्र र विश्व प्रकाशको कुरा सुनिसकेपछि सबै नेता  हरु हाँसे । त्यहाँ उपसभापति विमलेन्द्र निधि, महामन्त्री पूर्णबहादुर खड्का, सहमहा मन्त्रीद्वय प्रकाशशरण महत, सुनिलबहादुर थापा, पूर्वसहमहामन्त्री रामशरण महत,

‘प्रवक्ता विश्वप्रकाश शर्मा, संसदीय दलका प्रमुख सचेतक बालकृष्ण खाण, सांसदहरु डिला संग्रौला, बहादुरसिंह लामा, मानबहादुर विश्वकर्मा र उमाकान्त चौधरीलगायत उपस्थित थिए ।’

‘गत आम चुनावका क्रममा ०७४ कात्तिक ३० गते देउवाले आफूलाई ज्योतिष ‘सात पटक प्रधानमन्त्री हुने योग रहेको बताएको’ भनेका थिए । नेपालीहरु ज्योतिषीप्रति विश्वास गर्ने भएकाले सो कुरा भएको देउवाको भनाइ थियो ।’

‘त्यसो त बूढानीलकण्ठमा ज्योतिषको चर्चा हिजो मात्र भने भएको होइन । यसअघि गत चैतमा पनि पत्रकार महासंघ को चुनावका सन्दर्भमा छलफल हुँदा पनि देउवाका ज्योति षको चर्चा भएको थियो ।’

‘त्यो दिन नेता कृष्णप्रसाद सिटौला र मिनेन्द्र रिजालले ‘ज्योतिषले तपाईंलाई सात पटक प्रधानमन्त्री हुने योग रहेको बताए । त्यो हुँदा त हाम्रो त पालै पो नआउने देखियो’ भन्दै ठट्टा गरेका थिए ।’

‘जवाफमा देउवाले एमाले अध्यक्ष केपी शर्मा ओलीले गत चुनावताका ०७४ कात्तिक २९ गते काँग्रेसबाट आफूलाई अन्तिम प्रधानमन्त्री हुने दाबी गरेपछि प्रतिउत्तरमा ज्योतिष को प्रसंग निकालेको बताएका थिए ।’

‘पछिल्लो समय गत पुसमा ५ मा प्रधानमन्त्री ओलीले प्रतिनिधिसभा विघटन गरेपछि देउवा प्रधानमन्त्री बन्ने च  र्चा सुरु भएको हो । सर्वोच्च को फैसलापछि देउवा पाँचौं पटक प्रधानमन्त्री बन्ने पहिलो व्यक्ति बन्न पुगेका छन् ।’

‘यसअघि काँग्रेस नेता स्वर्गीय गिरिजाप्रसाद कोइराला र राप्रपाका नेता लोकेन्द्र बहादुर चन्द चार/चार पटक देउवा प्रधानमन्त्री बनेका थिए ।’

‘यसैबीच, केही समयअघि देउवा निवासमा पुगेका ज्योतिष सुरेन्द्रचन्द्र रिजालले असारअघि देउवाका लागि सत्ता योग राम्रो नभएको बताएका थिए ।’

यो खबर पढेर तपाईलाई कस्तो महसुस भयो ?


Your Views
Related News